إزاي تبني متجرك على هيكانا — من التسجيل لأول أوردر
المقال ده مش عن ليه تفتح متجر — ده عن الترتيب اللي تمشي بيه خطوة بخطوة عشان توصل لأول أوردر بأسرع طريقة، من غير ما ترجع تصلّح حاجات ورا.
١. المنتجات الأول، مش الشكل
أكتر حاجة بتأخّر التجار إنهم يبدأوا بالألوان والخطوط. ابدأ بإنك تحط خمس منتجات بصور كويسة وسعر واضح. المتجر من غير منتجات مفيش حاجة تتظبط فيه.
لو عندك مقاسات أو ألوان، اظبطها كمتغيرات على المنتج نفسه مش كمنتجات منفصلة — عشان المخزون يتحسب صح لكل مقاس.
٢. الدفع: ابدأ بالكاش
فعّل الدفع عند الاستلام من أول يوم — ده لسه أكتر طريقة بيدفع بيها المصريين. وبعدها ضيف الكارت والمحفظة كخيار تاني. كل خيار دفع بتضيفه بيقلل نسبة العربات المتروكة.
٣. الشحن: سعر واضح لكل محافظة
حدد سعر الشحن لكل محافظة قبل ما تنشر المتجر. العميل اللي بيشوف سعر شحن مفاجئ في آخر خطوة بيسيب العربة — وده أكتر سبب لضياع الأوردرات في مصر.
٤. الشكل: اختار ثيم وسيبك
اختار ثيم، غيّر اللوجو والألوان لألوان براندك، وكمّل. متقعدش تظبط في المسافات قبل ما تبيع حاجة. تقدر ترجع للشكل بعد أول عشر أوردرات وانت عارف عملاءك بيدوروا على إيه.
٥. جرّب تشتري من متجرك بنفسك
قبل ما تنشر اللينك لأي حد، اعمل أوردر كامل بنفسك: ضيف للعربة، كمّل الدفع، شوف رسالة التأكيد وصلت ولا لأ. أغلب المشاكل بتبان في الخطوة دي وانت لسه قادر تصلّحها من غير ما حد يشوفها.
٦. أول أوردر — وبعدين خلّي المتجر يشتغل لوحده
أول ما الأوردرات تبدأ تيجي، الشغل المتكرر هيبدأ ياكل من وقتك. ساعتها افتح هيكانا فلو وشغّل فلو العربة المتروكة وفلو تأكيد الأوردر الكاش. دول بيوفّروا أكتر وقت في أقل مجهود.