عميلك بيسأل الذكاء الاصطناعي، ومنتجك هو الإجابة
ناس كتير بقت بتبدأ التسوق بسؤال لـ ChatGPT أو Claude بدل ما تدوّر بنفسها. المتجر الذكي بيخلي منتجاتك تظهر في الإجابة، والمساعد يجهّز الطلب كله من المحادثة: المنتج والمقاس والعنوان وسعر الشحن. العميل يأكّد بضغطة على صفحة الدفع في متجرك، والطلب بيوصلك طلب حقيقي على لوحة هيكانا، بنفس أسعارك ومخزونك وشحنك.
بيعمل إيه بالظبط
بروتوكولات مفتوحة
بيدعم Agentic Commerce Protocol (ACP) اللي بيستخدمه ChatGPT، وModel Context Protocol (MCP) اللي بيستخدمه Claude ووكلاء تانيين، وواجهة API مباشرة لأي وكيل جديد.
اكتشاف المنتجات
الوكيل بيدوّر في منتجاتك المنشورة بس: الاسم والصور والسعر والمقاسات والمتاح في المخزون. سعر التكلفة والمنتجات المسودة والملفات الرقمية عمرها ما بتظهر.
حساب الطلب بأسعار متجرك
الوكيل بيعمل جلسة شراء ويحسب الإجمالي بنفس محرك الأسعار بتاع متجرك: الخصومات، الشحن لمحافظة العميل، والدفع عند الاستلام.
طلب حقيقي في لوحتك
لما العميل يأكد، الطلب بيتسجل في متجرك زي أي طلب جاي من الموقع، ويظهر في لوحة الطلبات جاهز للشحن.
تحكم كامل
كل صلاحية ليها مفتاح لوحدها: الاكتشاف، الشراء، إتمام الطلب، والتتبع. ولو قفلت تطبيق التجارة الذكية، كل الوكلاء بيتقطعوا مرة واحدة.
إزاي بيشتغل
فعّل التطبيق
من متجر التطبيقات في لوحة هيكانا، فعّل تطبيق التجارة الذكية واختار الصلاحيات اللي تناسبك.
منتجاتك بتوصل للوكلاء
منتجاتك المنشورة بتبقى متاحة لـ ChatGPT وClaude وغيرهم من مساعدين الذكاء الاصطناعي.
الطلبات بتوصلك
المساعد يجهّز الطلب من المحادثة، والعميل يأكّده بضغطة على صفحة الدفع في متجرك، والطلب يوصلك على لوحة هيكانا جاهز للشحن.
مناسب لمين
- متاجر عايزة توصل لعملاء بيتسوقوا من خلال الذكاء الاصطناعي
- متاجر عندها منتجات واضحة بمقاسات وأسعار
- أي تاجر عايز يبقى جاهز قبل منافسيه
أسئلة شائعة
إزاي أشغّله؟
من متجر التطبيقات في لوحة هيكانا، ثبّت تطبيق التجارة الذكية وشغّل الصلاحيات اللي تناسبك. متاح لكل المتاجر المنشورة على هيكانا.
مين بيحدد الأسعار والشحن؟
إنت. الوكيل بياخد الأسعار والمخزون والشحن من متجرك على هيكانا مباشرة، ومايقدرش يغيرها.
الوكيل يقدر يشوف بيانات حساسة؟
لأ. الوكيل بيشوف بس اللي أي عميل يقدر يشوفه على متجرك: المنتجات المنشورة وأسعارها. سعر التكلفة والمنتجات المسودة والملفات الرقمية مش بتظهر.
أقدر أوقفه في أي وقت؟
أيوه. تقدر تقفل أي صلاحية لوحدها، أو تقفل تطبيق التجارة الذكية خالص فيتقطع كل الوكلاء في نفس اللحظة.
مميزات تانية
جاهز تبدأ متجرك؟
ابدأ متجرك دلوقتي — مجانًا ومن غير بطاقة ائتمان
- بدون بطاقة ائتمان
- إعداد في دقائق
- دعم فني عربي