خلّي عملاءك يشتروا من متجرك عن طريق ChatGPT وClaude

ناس كتير بقت تسأل ChatGPT أو Claude: «عايز حزام جلد تحت ٥٠٠ جنيه يوصل مدينة نصر». السؤال ده محتاج متجر المساعد يقدر يقرا منتجاته وأسعاره وشحنه — وده اللي هيكانا بقت بتوفره لمتجرك.

المساعد بيعمل إيه بالظبط

لما العميل يوصّل المساعد بمتجرك، المساعد يقدر:

• يدوّر في منتجاتك بأسعارها الحقيقية وحالة المخزون.
• يعرف الشحن لمنطقة العميل وتكلفته.
• يجهّز الطلب ويدي العميل لينك لصفحة الدفع بتاعة متجرك، والسلة وبيانات العميل جاهزة فيها.

الطلب بيتأكد على متجرك انت

المساعد مايقدرش يأكد طلب ولا يدفع نيابة عن العميل. العميل بيفتح اللينك، يختار محافظته وطريقة الدفع، ويأكد بنفسه على صفحة متجرك — بنفس الكابتشا والحماية وطرق الدفع بتاعة أي طلب عادي. ولو بتبيع بالدفع عند الاستلام، شوف إزاي تديره من غير ما يأكل أرباحك.

مفيش طلبات وهمية من بوتات: كل طلب بيتأكد من إنسان على متجرك.

العميل بيوصّل المساعد إزاي

كل متجر مفعّل الخدمة عنده صفحة «تسوّق بمساعد الذكاء الاصطناعي» على عنوانه مع /ai — مثلاً seron.hekana.com/ai. فيها:

1. لينك المتجر وزرار نسخ.
2. الخطوات على Claude وChatGPT.
3. شرح بالصور ودليل PDF وأسئلة شائعة.

وفيه دليل للعملاء بالصور خطوة بخطوة تقدر تبعته لهم.

على Claude بيتوصّل من «Connectors» في الإعدادات. على ChatGPT حاليًا من Developer mode، وتطبيق هيكانا في متجر تطبيقات ChatGPT تحت المراجعة دلوقتي.

الطلبات دي بتتحسب لك

كل طلب جه عن طريق مساعد بيظهر في لوحة «البيع عبر مساعدي الذكاء الاصطناعي»: كام عميل جهّز طلب، كام طلب اتأكد، والمبيعات — عشان تعرف الخدمة جايبالك إيه فعلًا.

إزاي تفعّلها لمتجرك

الخدمة متاحة دلوقتي لعدد محدود من المتاجر. لو عايز تفعّلها لمتجرك، كلّمنا وهنفعّلها لك، وبعدها تتحكم فيها من تطبيق «البيع عبر مساعدي الذكاء الاصطناعي» في لوحة التحكم.

الخلاصة

العملاء بيبدأوا يشتروا بالسؤال بدل التصفح. متجرك على هيكانا جاهز يرد على المساعدين دول بمنتجاتك الحقيقية — والطلب والدفع بيفضلوا عندك.