إزاي تشتري من متاجر هيكانا بمساعد الذكاء الاصطناعي — خطوة بخطوة
بدل ما تقلّب في المتجر صفحة صفحة، تقدر تكتب لمساعد الذكاء الاصطناعي اللي عايزه: «عايز حزام جلد تحت ٥٠٠ جنيه يوصل مدينة نصر». المساعد بيدوّر في منتجات المتجر الحقيقية، ويعرّفك الشحن، ويجهّز طلبك — وانت اللي بتأكده.
الصور في الدليل ده من متجر حقيقي على هيكانا (موادو)، والخطوات نفسها في أي متجر مفعّل الخدمة.
1. افتح صفحة «تسوّق بمساعد الذكاء الاصطناعي» في المتجر
كل متجر مفعّل الخدمة عنده صفحة على عنوانه مع /ai — مثلاً seron.hekana.com/ai. فيها الشرح ولينك التوصيل.
صفحة تسوّق بمساعد الذكاء الاصطناعي في المتجر
2. وصّل المساعد مرة واحدة
انسخ اللينك من الصفحة بزرار «نسخ اللينك». لينك المتجر للتسوق منه هو، ولينك «تطبيق هيكانا» للتسوق من كل المتاجر.
لينك المتجر ولينك تطبيق هيكانا مع زرار النسخ
- على Claude: الإعدادات ← Connectors ← Add custom connector ← الصق اللينك ← Add، وفي المحادثة فعّل الـ connector من قائمة الأدوات.
- على ChatGPT: تطبيق هيكانا في متجر تطبيقات ChatGPT تحت المراجعة دلوقتي. لحد ما يتنشر: على chatgpt.com من الإعدادات ← Security and login فعّل Developer mode (لاشتراكات Plus وأعلى)، وبعدها أضف التطبيق باللينك.
3. اكتب اللي عايزه
بالعربي أو الإنجليزي. المساعد بيدوّر في المنتجات بأسعارها الحقيقية، ويعرّفك الشحن لمنطقتك بكام. ولما تقول «اطلبه»، بيجهّز الطلب ويديك لينك.
المساعد بيلاقي المنتج ويحسب الشحن ويجهّز الطلب
4. افتح اللينك
اللينك بيفتح صفحة الدفع الخاصة بالمتجر نفسه، والمنتج في السلة واسمك ورقمك وعنوانك مكتوبين.
صفحة الدفع في المتجر والسلة والبيانات جاهزة
5. اختار المحافظة وطريقة الدفع وأكد
اختار محافظتك عشان يتحسب الشحن، وراجع الإجمالي، واختار طريقة الدفع — الدفع عند الاستلام أو أي طريقة المتجر بيقدمها — واضغط تأكيد الطلب.
اختيار طريقة الدفع وتأكيد الطلب على المتجر
6. المساعد مش بيأكد الطلب ولا بيدفع بدالك
لو طلبت منه يأكد الطلب، هيقولك إنه مايقدرش. الطلب بيتأكد منك انت بس على صفحة المتجر.
المساعد بيرفض يأكد الطلب ويحوّلك للمتجر
أسئلة شائعة
- هل الخدمة بفلوس؟ لا، مجانية. بتدفع تمن المنتجات والشحن للمتجر بس.
- المساعد يقدر يدفع من غير ما أوافق؟ لا. بيجهّز الطلب بس، والتأكيد والدفع منك انت على المتجر.
- اللينك قال إنه انتهى؟ صالح ٣٠ دقيقة من غير استخدام. اطلب من المساعد يجهّز طلب جديد.
- أقدر أتسوق من أي متجر؟ من المتاجر اللي مفعّلة الخدمة بس.
- المساعد بيتابع طلبي؟ لا. تتابعه من المتجر نفسه.
لو انت صاحب متجر وعايز عملاءك يشتروا منك بالطريقة دي، اقرا إزاي متجرك يشتغل مع ChatGPT وClaude.